[知識] 電腦時間同步

大家知唔知道原來 Windows XP 有網路時間同步功能?
其實 WinXP 已內建時間同步程式...
WinXP 透過 NTP (Network Time Protocol)...
從伺服器 (Server) 拎返個最準確時間, 及更新本機電腦時間...

不過伺服器時間又係咪最準確呢?
咁就要睇你去咩伺服器... 同埋本機電腦同伺服器之間既距離...
因為 NTP 是透過網絡去取得時間...
而網絡當中也存有 data 既傳送速度...
傳送速度越慢, 傳送時間就越耐...
傳送時間耐左, 就當然會影響個時間更新啦!!!

哈... 當然 NTP 既設計上會計算埋個資料傳送時間呢個因素...
不過始終本機電腦同伺服器之間既距離越近, 時間更新會越準確!

而 WinXp 本身已預設左一個 NTP ... [time.windows.com]
但如果你部電腦身處香港, 要去到 windows.com 就比較遠嚕...
咁有冇個近既 NTP Server?
其實香港天文台都設有 NTP Server... 為 [stdtime.gov.hk]
只要大家更改個網際網路時間內既伺服器...再按立即更新...
咁就可以同香港天文台既時間同步喇 !!!

參考：NTP http://en.wikipedia.org/wiki/Network_Time_Protocol
參考：香港天文台 http://www.hko.gov.hk/nts/ntimec.htm


控制台 > 日期和時間